Flying Colours

Rendezvous with the Rainbow

నీరసించకు జనం నిన్ను నమ్మలేదని,

గడచి పోతుంది గ్రహణం తట్టుకోలేక సూర్యున్ని,

మంచితనానికి మహిన విలువ ఎప్పుడూ ఎనలేని,

విడువకు నీ సహనాన్ని, " ఇది నాది కాదని!"

మిణుగురు ధైర్యం చూడు, వొంటరిగా చీకటిని వోడిద్దామని,

క్రాంతి తనలోనే వుంటే తల వంచడం ఎందుకని?

బంగారపు ధగధగ తగ్గదు, మసక నా  కంటిదైతే,

నిండు వెన్నల నవ్వదూ? మబ్బు " నేను గెలిచానంటే!"

              

వాన నీరుని నింగి కన్నీరు అంటారు, ఆకాశ పరవశం అనుకోరు ఎందుకు?

దృష్టి లోపానికి కానరావు సృష్టిలోనే మందులు.

కొవ్వొత్తికి తెలుసు కరుగుతున్నా, తన క్రాంతి తరగదని,

గొంగలికి తెలుసు నేడు ప్రాకుతున్నా, రంగుల భవితకు ఇంకెంతో లేదని...