చేయూత (Anatomy of Assistance)

నూతిలోని నీరును పైకి తెచ్చు చిన్న చేద,
ఛాతిలోని ధైర్యాన్ని తట్టిలేపు ఓ వీర గాథ,
దాగివున్న తిమిరాన్ని త్రోలివేయు శ్రీ గురుబోధ,
ప్రపంచాన ఉపకారుల చేయూతదేగా ఈ కథ!

మన్నులోని విత్తులను మొలకించు రవికిరణం,
అడగదు ఎన్నడూ తన సాయానికి ఏ ఫలం,
మూడునాళ్ళేగా మన ఈ భువి పయనం,
మరి కోరుతామెందుకు మూడెకరాల శిలాఫలకం?

అడగకున్న అందించుదాం ఆత్మీయపు ఆసరా,
మనవర్ణనకొస్తే స్ఫురించాలి ఓ పూలవసారా,
కాలచక్రం తిరుగుతోంది ఆగకుండా గిరగిరా,
మరి కోపాలకి, పంతాలకి సమయమేది సోదరా?

(for సాహితీ శ్రేష్ఠులు writers group)