గాలి (Air)

అనాది నుండీ నీ గమనం,
అలుపేలేని ఈ పయనం,
ఎంతైననూ పని భారం,
ఆగదుగా నీ ఉత్సాహం!

చిరు ప్రాయానికే ఓ అందం,
బూర, గాలిపటాల అనుబంధం,
పెద్దయ్యాక కనబడదేం?
నేర్చిన గాలిపాఠాల సంకేతం!

మల్లెల గంధం మోస్తావు,
మురుగును సైతం భరిస్తావు,
కర్తవ్య కర్మని తరిస్తావు,
గీతాసారాన్ని కురిపిస్తావు!

అందరిలో నీవున్నావు,
స్థాయి అంటదన్నావు,
అంతలోనే వెడలిపోయేవు,
కథ కంచికని చెప్పేవు!

మర్మము గ్రహించి సాగాలి,
మనస్సున నీ పాట మ్రోగాలి,
ఎల్లలు లేని ఈ గాలి,
అన్నది - ఎందుకు నేను ఆగాలి?

(for సాహితీ శ్రేష్ఠులు writers group)