జలం - Water

అనంత విశ్వాన ప్రాణానికి పునాదిని నేనే,
అమ్మ గర్భాన తేలియాడిన నీ ఉయ్యాలా నేనే,

సముద్రాన ముద్రించిన వానచినుకును నేనే,
మోటరేసి మోసుకొచ్చిన పలుకరించేది నేనే,

కనుల వెనుక నేనే, కలువలు కొలువైన కొలనంతా నేనే,
అలల నిండా నేనే, వలన చిక్కు చేపల కలల సౌధం నేనే,

దేహంలో నేనే, దాహానికి తాయత్తుని నేనే,
నావ మార్గం నేనే, శ్రామికుని చెమట చుక్కా నేనే,

దొరలు కాచిన వజ్రాన్ని నేనే, రైతన్న అపురూపాన్నీ నేనే,
వేదమందున నేనే, నీవు మ్రొక్కు మందిరమందూ నేనే,

అయ్యో! వృద్ధాశ్రమ ప్రాప్తికున్నానే, నేడు నీ శ్రద్ధ కోరుతున్నానే,
చరిత్రంతా చుట్టివచ్చానే, నీ మనవళ్ళను చూడాలనుకున్నానే!

(for సాహితీ శ్రేష్ఠులు writers group)